سورة المؤمنون

ثُمَّ أَرْسَلْنَا مُوسَىٰ وَأَخَاهُ هَارُونَ بِآيَاتِنَا وَسُلْطَانٍ مُّبِينٍ

پھر ہم نے موسیٰ اور ان کے بھائی ہاورن (١١) کو اپنی نشانیاں اور ایک کھلی دلیل دے کر بھیجا۔

ف8۔ نشانیوں سے مراد وہ نشانیاں ہیں جن کا سورۂ اعراف اور بعض دوسرے مقامات پر ذکر کیا گیا ہے۔ عصا بھی اگرچہ ان ہی نشانیوں میں سے تھا لیکن اس کی حیثیت چونکہ ان سب میں ممتاز تھی اس لئے اس کا ذکر خاص طور پر ” سُلۡطَٰنٖ مُّبِينٍ “ (کھلی سند) کے لفظ سے کیا گیا جیسے کہا جائے ” ملائکۃ اللہ و جبرئیل“ (اللہ کے فرشتے اور جبریل) یعنی تخصیص بعد تعمیم کے قبیل سے ہے۔