سورة الحج - آیت 7

وَأَنَّ السَّاعَةَ آتِيَةٌ لَّا رَيْبَ فِيهَا وَأَنَّ اللَّهَ يَبْعَثُ مَن فِي الْقُبُورِ

ترجمہ تیسیر الرحمن لبیان القرآن - محمد لقمان سلفی

اور بیشک قیامت آنے والی ہے اس میں کوئی شک نہیں ہے اور بیشک اللہ ان سب کو اٹھائے گا جو قبروں میں مدفون ہیں۔

تفسیر اشرف الہواشی - محمد عبدہ لفلاح

ف 5۔ تاکہ ان کے اعمال کا حساب لیا جائے اور جیسا کسی کا عمل ہو ویسا ہی اسے بدلہ دیا جائے۔ امام رازی (رح) فرماتے ہیں۔ اوپر دوبارہ زندہ کئے جانے کے امکان پر دلائل قائم کئے۔ اب دوبارہ زندگی کے وقوع کی خبر دی اور یہ ظاہر ہے کہ کسی ممکن چیز کے وقوع کی ایک صادق مصدوق خبر دے تو اس کے وقوع میں کسی قسم کا شک و شبہ نہیں ہوسکتا۔ (کبیر)