سورة الفاتحة

الْحَمْدُ لِلَّهِ رَبِّ الْعَالَمِينَ

سب تعریفیں اللہ کے لئے ہیں جو سارے جہاں کا پالنے والا ہے

ف4:یہ کلمہ اظہار عبودیت اور اعتراف نعمت کے معنی پر مشتمل ہے اور شکر الہی کے اظہار کے لیے اس سے بڑھ کر کوئی کلمہ نہیں ہے حدیث میں ہے(الْحَمْدُ رَأْسُ الشُّكْرِ، مَا شَكَرَ اللهَ عَبْدٌ لَا يَحْمَدُهُ) ” رَبِّ “ یہ اسمائے حسنی سے ہے اور اضافت کے بغیر اللہ تعالیٰ کے سوا کسی پر اس کا اطلاق جائز نہیں ہے۔ ’’ الْعَالَمِينَ‘‘یہ عالَمٌ کی جمع ہے اور اللہ تعالیٰ کے سوا تمام کائنات پر اس کا اطلاق ہوتا ہے ( قرطبی)، حضرت ابن عباس (رض) رَبِّ الْعَالَمِينَ کی تفسیر میں فرماتے ہیں ان الخلق کلہ تمام مخلوقات کا معبود۔