سورة الحجر - آیت 16

وَلَقَدْ جَعَلْنَا فِي السَّمَاءِ بُرُوجًا وَزَيَّنَّاهَا لِلنَّاظِرِينَ

ترجمہ تیسیر الرحمن لبیان القرآن - محمد لقمان سلفی

اور ہم نے آسمان میں (آفتاب و ماہتاب اور متحرک سیاروں کے لئے) منزلیں (١١) بنائیں ہیں اور اسے دیکھنے والوں کے لئے (ستاروں سے) آراستہ کیا ہے۔

تفسیر اشرف الہواشی - محمد عبدہ لفلاح

ف 12۔ رسالت کے بعد اب توحید کا بیان شروع ہو رہا ہے۔ (رازی)۔ ” برج“ عربی زبان میں قلعہ یا منزل کو کہتے ہیں۔ یهاں برجوں سے مراد وہ منزلیں ہیں جن سے سورج اپنی گردش کے دوران میں گزرتا ہے اور وہ تعداد میں بارہ ہیں۔ بعض کہتے ہیں کہ برج وہ آسمانی قلعے ہیں جن میں فرشتے پہرا دیتے ہیں۔ (شوکانی)۔