سورة یوسف - آیت 98

قَالَ سَوْفَ أَسْتَغْفِرُ لَكُمْ رَبِّي ۖ إِنَّهُ هُوَ الْغَفُورُ الرَّحِيمُ

ترجمہ تیسیر الرحمن لبیان القرآن - محمد لقمان سلفی

یعقوب نے کہا، میں عنقریب تمہارے لئے اپنے رب سے مغفرت طلب کروں گا وہ بیشک بڑا معاف کرنے والا بے حد مہربان ہے۔

تفسیر اشرف الہواشی - محمد عبدہ لفلاح

ف 12۔ یعنی دعا قبول ہونے کی گھڑی آنے دو، میں تمہارے لئے استغفار کروں گا۔ بعض صحابہ (رض) کہتے ہیں کہ حضرت یعقوب ( علیہ السلام) کو تہجد کے وقت کا انتظار تھا اور بعض کہتے ہیں کہ جمعہ کی شب کا۔ (ابن کثیر)۔