سورة یوسف - آیت 60

فَإِن لَّمْ تَأْتُونِي بِهِ فَلَا كَيْلَ لَكُمْ عِندِي وَلَا تَقْرَبُونِ

ترجمہ تیسیر الرحمن لبیان القرآن - محمد لقمان سلفی

پس اگر تم اسے نہیں لائے تو تمہارے لئے میرے پاس غلہ نہیں ہے اور میرے قریب نہ آنا۔

تفسیر اشرف الہواشی - محمد عبدہ لفلاح

ف 10۔ ممکن ہے انہوں نے حضرت یوسف ( علیہ السلام) سے اپنے چھوٹے بھائی کا ذکر کیا ہو یا اپنے علاوہ ان کے حصے کا غلہ بھی مانگا ہو اور اس طرح حضرت یوسف ( علیہ السلام) کو انہیں یہ حکم دینے کا موقع مل گیا ہو کہ آئندہ جب آئیں تو اپنے چھوٹے بھائی کو بھی ساتھ لائیں ورنہ غلہ نہیں ملے گا۔ (از روح)