سورة یونس - آیت 53
وَيَسْتَنبِئُونَكَ أَحَقٌّ هُوَ ۖ قُلْ إِي وَرَبِّي إِنَّهُ لَحَقٌّ ۖ وَمَا أَنتُم بِمُعْجِزِينَ
ترجمہ تیسیر الرحمن لبیان القرآن - محمد لقمان سلفی
اور مشرکین آپ سے پوچھتے (٤١) ہیں کہ کیا آخرت کا عذاب حق ہے؟ آپ کہیے کہ ہاں میرے رب کی قسم، یہ تو بالکل حق ہے اور تم لوگ اللہ کو عاجز نہیں بنا سکتے ہو۔
تفسیر اشرف الہواشی - محمد عبدہ لفلاح
ف 2۔ جب کفار کو ان کے سوال ” مَتَىٰ هَٰذَا ٱلۡوَعۡدُ “ کا مذکورہ جواب دیا گیا تو انہوں نے اسی سلسلہ میں آنحضرت ﷺ سے دوبارہ سوال کیا ” أَحَقٌّ هُوَ“ کہ کیا یہ عذاب برحق ہے۔ اس کے جواب میں فرمایا : قُلۡ إِي وَرَبِّي مطلب یہ ہے کہ عذاب برحق ہے اور تم ہمارے عذاب سے بھاگ کر کہیں نہیں جاسکتے اور نہ اس کو کسی طور روک سکتے ہو۔ (کبیر)۔