سورة البقرة - آیت 101

وَلَمَّا جَاءَهُمْ رَسُولٌ مِّنْ عِندِ اللَّهِ مُصَدِّقٌ لِّمَا مَعَهُمْ نَبَذَ فَرِيقٌ مِّنَ الَّذِينَ أُوتُوا الْكِتَابَ كِتَابَ اللَّهِ وَرَاءَ ظُهُورِهِمْ كَأَنَّهُمْ لَا يَعْلَمُونَ

ترجمہ تیسیر الرحمن لبیان القرآن - محمد لقمان سلفی

اور جب ان کے پاس اللہ کی طرف سے ایک رسول آیا جو تصدیق کر رہا تھا اس کتاب کی جو ان کے پاس تھی، تو اہل کتاب کی ایک جماعت نے اللہ کی کتاب اپنی پیٹھ کے پیچھے پھینک دی (١٥٤) جیسے کہ وہ کچھ جانتے ہی نہیں

تفسیر اشرف الہواشی - محمد عبدہ لفلاح

ف 6: یعنی تورات اور دیگر آسمانی کتب ’’ لِمَا مَعَهُمْ ‘‘ میں نبی آخرالز مان کے جواوصاف مذکور تھے وہ سب آنحضرت (ﷺ) میں موجود تھے۔ اس اعتبار سے آنحضرت(ﷺ) تورات اور لِمَا مَعَهُمْکے مصداق تھے مگر یہود کی بد نصیبی کہ انہوں نے آنحضرت (ﷺ) کی تکذیب کر کے تورات کو پس پشت ڈال دیا۔ گو یا اپنی کتاب کا بھی پتہ نہیں۔ (ابن کثیر )