سورة المدثر

حَتَّىٰ أَتَانَا الْيَقِينُ

یہاں تک کہ ہمیں موت آگئی

حَتّٰى اَتٰىنَا الْيَقِيْنُ:’’ الْيَقِيْنُ ‘‘ سے مراد موت ہے، کیونکہ اس کے آنے پر تمام شکوک و شبہات دور ہو کر حقیقت سامنے آجائے گی۔ دوسری جگہ اللہ تعالیٰ نے فرمایا : ﴿وَ اعْبُدْ رَبَّكَ حَتّٰى يَاْتِيَكَ الْيَقِيْنُ ﴾ [ الحجر : ۹۹ ] ’’ اور اپنے رب کی عبادت کر، یہاں تک کہ تیرے پاس یقین آجائے۔‘‘ اس سے مراد بھی موت ہے۔ دنیا میں کسی کو آخرت پر کتنا بھی یقین ہو وہ اس یقین کے برابر نہیں ہو سکتا جو موت آنے پر حاصل ہوگا۔