سورة الواقعة

وَأَصْحَابُ الشِّمَالِ مَا أَصْحَابُ الشِّمَالِ

اور بائیں ہاتھ والے جو ہوں گے تو ان (کی بدبختی) کا کیا کہنا

وَ اَصْحٰبُ الشِّمَالِ ....: ’’ سَمُوْمٍ ‘‘ کی وضاحت کے لیے دیکھیے سورۂ طور (۲۷) کی تفسیر۔ ’’ يَحْمُوْمٍ ‘‘ سیاہ دھواں۔ یہ ’’حُمَمٌ‘‘ (بروزن ’’صُرَدٌ‘‘ ، بمعنی کوئلہ) سے ’’يَفْعُوْلٌ‘‘ کے وزن پر ہے۔ ’’أَحَمُّ‘‘ سیاہ۔ یعنی وہ دھواں جس میں سیاہی اور گرمی دونوں ہوں۔ یعنی جہنمیوں کو کہیں سایہ نہیں ملے گا، ملے گا تو سخت سیاہ اور گرم دھوئیں کا، جس میں نہ کوئی ٹھنڈک ہو گی اور نہ کوئی راحت یا آسائش ہو گی۔ مزید دیکھیے سورۂ مرسلات (۲۹ تا ۳۴)۔