سورة القمر

إِنَّ الْمُتَّقِينَ فِي جَنَّاتٍ وَنَهَرٍ

بلاشبہ پرہیزگار لوگ باغوں اور نہروں میں ہوں گے

اِنَّ الْمُتَّقِيْنَ فِيْ جَنّٰتٍ وَّ نَهَرٍ: کفار کے بعد متقی لوگوں کا انجام ذکر فرمایا کہ وہ باغوں اور نہروں میں ہوں گے۔ (دیکھیے طور : ۱۷) آیات کے آخری حروف کی موافقت کے لیے ’’ نَهَرٍ ‘‘ کا لفظ مفرد لایا گیا، مراد جنس ہے، جس میں ہر قسم کی نہریں شامل ہیں۔ جنت کی نہروں کے لیے دیکھیے سورۂ محمد کی آیت (۱۵) کی تفسیر۔