سورة الذاريات

إِذْ دَخَلُوا عَلَيْهِ فَقَالُوا سَلَامًا ۖ قَالَ سَلَامٌ قَوْمٌ مُّنكَرُونَ

جب وہ ابراہیم کے پاس آئے اور کہا آپ کو سلام ہے تو انہوں نے سلام کا جواب دیا (اور خیال کیا) کچھ اجنبی [٢٠] سے لوگ ہیں

1۔ اِذْ دَخَلُوْا عَلَيْهِ فَقَالُوْا .....:’’ سَلٰمًا ‘‘ اور ’’ سَلٰمٌ ‘‘ کے فرق کے لیے دیکھیے سورۂ ہود (۶۹) کی تفسیر۔ 2۔ قَوْمٌ مُّنْكَرُوْنَ: یہ بات دل میں کہی یا گھر والوں سے کہی اور ممکن ہے انسانی شکل میں آنے والے فرشتوں سے کہی ہو کہ آپ اس علاقے میں نئے تشریف لائے ہیں، پہلے کبھی آپ کو یہاں نہیں دیکھا۔