سورة لقمان

لِلَّهِ مَا فِي السَّمَاوَاتِ وَالْأَرْضِ ۚ إِنَّ اللَّهَ هُوَ الْغَنِيُّ الْحَمِيدُ

جو کچھ آسمانوں اور زمین میں ہے وہ اللہ ہی کا ہے [٣٣]۔ بلاشبہ اللہ ہی بے نیاز [٣٤] اور لائق حمد و ثنا ہے۔

لِلّٰهِ مَا فِي السَّمٰوٰتِ وَ الْاَرْضِ ....: یہ پہلی آیت ہی کا نتیجہ ہے کہ جب آسمانوں کا اور زمین کا خالق اللہ تعالیٰ ہے تو ظاہر ہے کہ ان کا مالک بھی وہی ہے، اور جب مالک وہ ہے تو ثابت ہوا کہ زمین و آسمان کی ہر چیز اپنے وجود اور بقا میں اس کی محتاج ہے اور وہ سب سے غنی ہے، کسی کا محتاج نہیں اور ہر حمد کا مالک ہے۔ دیکھیے اسی سورت کی آیت (۱۲)۔