سورة الشعراء

قَالُوا أَرْجِهْ وَأَخَاهُ وَابْعَثْ فِي الْمَدَائِنِ حَاشِرِينَ

وہ کہنے لگے : اس کے اور اس کے بھائی کے معاملہ کو التوا میں ڈال دیجئے اور شہروں [٢٩] میں ایسے آدمی بھیج دیجئے۔

قَالُوْا اَرْجِهْ وَ اَخَاهُ....: ان آیات کی تفسیر سورۂ اعراف (۱۱۱، ۱۱۲) میں گزر چکی ہے، فرق یہ ہے کہ وہاں ’’اَرْسِلْ ‘‘ ہے اور یہاں ’’ابْعَثْ‘‘ ہے، دونوں ہم معنی ہیں۔ اس کے علاوہ وہاں ’’ سٰحِرٍ عَلِيْمٍ ‘‘ ہے اور یہاں ’’ سَحَّارٍ عَلِيْمٍ ‘‘ ہے، یہاں مبالغہ کا صیغہ ہونے کی وجہ سے ترجمہ کیا ہے : ’’کہ وہ تیرے پاس ہر بڑا جادو گر لے آئیں، جو بہت ماہر فن ہو۔‘‘ جبکہ وہاں ترجمہ ہے ’’کہ وہ تیرے پاس ہر ماہر فن جادوگر لے آئیں۔‘‘