سورة الاعراف

قَالُوا آمَنَّا بِرَبِّ الْعَالَمِينَ

(اور) کہنے لگے : ’’ہم رب العالمین پر ایمان لے آئے

قَالُوْۤا اٰمَنَّا بِرَبِّ الْعٰلَمِيْنَ....: ’’ہم رب العالمین پر ایمان لے آئے‘‘ کے ساتھ ﴿ رَبِّ مُوْسٰى وَ هٰرُوْنَ ﴾ (جو موسیٰ اور ہارون کا رب ہے) اس لیے کہا کہ کسی کو یہ گمان نہ گزرے کہ انھوں نے فرعون کو رب العالمین سمجھتے ہوئے سجدہ کیا ہے۔ اس طرح فرعون اور اس کے مشیروں کے لیے کسی طرح ممکن نہ رہا کہ لوگوں کو موسیٰ علیہ السلام کے محض ایک جادوگر ہونے کا یقین دلا سکیں۔