سورة التکاثر - آیت 5
كَلَّا لَوْ تَعْلَمُونَ عِلْمَ الْيَقِينِ
ترجمہ تیسیر القرآن - مولانا عبدالرحمن کیلانی صاحب
ایسا ہرگز نہیں چاہیے کاش! تم یقینی طور پر جان لیتے
تیسیر الرحمن لبیان القرآن - محمد لقمان السلفی رحمہ اللہ
(5)اللہ تعالیٰ نے دنیا پرستوں کو مزید دھمکی دی ہے اور کہا ہے کہ موت کے بعد جن حالات کا تم سامنا کرنے والے ہو، اگر اس کا یقینی علم تمہارے دلوں کو چھو لیتا تو تم دنیا کے حرص و ہوس میں نہ پڑتے، بلکہ زہد و تقویٰ اور عمل صالح والی زندگی کو اپنا لیتے تمہاری یہ دنیا طلبی بعث بعد الموت اور آخرت پر عدم ایمان کا نتیجہ ہے۔