سورة العلق - آیت 3

اقْرَأْ وَرَبُّكَ الْأَكْرَمُ

ترجمہ تیسیرالقرآن - مولانا عبد الرحمن کیلانی

پڑھیے اور آپ کا پروردگار بڑا کریم [٤] ہے

تفسیرتیسیرارحمٰن - محمد لقمان سلفی

(3)چونکہ نبی کریم (ﷺ) جبریل (علیہ السلام) کو اچانک اپنے سامنے پا کر گھبرا گئے تھے، اسی بطور تاکید آپ سے کہا گیا کہ آپ پڑھئے اور چونکہ نبی کریم (ﷺ) نے پڑھنے سے معذرت کی تھی اور کہا تھا کہ مجھے پڑھنا نہیں آتا، اس لئے آپ سے کہا گیا کہ آپ کا وہ رب آپ کو پڑھنے کا حکم دے رہا ہے جو بے پایاں کرم و احسان والا ہے، جس کے جودو عطا کی کوئی انتہا نہیں۔