سورة الشمس - آیت 13

فَقَالَ لَهُمْ رَسُولُ اللَّهِ نَاقَةَ اللَّهِ وَسُقْيَاهَا

ترجمہ تیسیر القرآن - مولانا عبدالرحمن کیلانی صاحب

تو اللہ کے رسول نے انہیں کہا : اللہ کی اونٹنی [١٢] اور اس کے پانی پینے کی باری (کے معاملہ میں بچو)

تیسیر الرحمن لبیان القرآن - محمد لقمان السلفی رحمہ اللہ

(13)اللہ تعالیٰ نے جب قوم ثمود کی طلب کے مطابق صالح (علیہ السلام) کی صداقت کی دلیل کے طور پر پہاڑ سے اونٹنی نکال دی، تو صالح (علیہ السلام) نے انہیں نصیحت کی کہ کوئی آدمی اسے ایذا نہ پہنچائے، یہ آزادی کے ساتھ جہاں چاہے گی جائے گی اور اپنی باری کے دن کنواں سے پانی پئے گی اسے تکلیف پہنچانا یا اس کی باری کے دن اسے پانی پینےسے روکنا، اللہ کے عذاب کو بلانا ہے۔