سورة البروج - آیت 1

وَالسَّمَاءِ ذَاتِ الْبُرُوجِ

ترجمہ تیسیر القرآن - مولانا عبدالرحمن کیلانی صاحب

برجوں والے آسمان [١] کی قسم

تیسیر الرحمن لبیان القرآن - محمد لقمان السلفی رحمہ اللہ

(1)باری تعالیٰ نے تین آیتوں میں چار چیزوں کی قسم کھا کر ” اصحاب اخدود“ پر لعنت بھیجی ہے جنہوں نے اللہ کے نیک بندوں کو صرف اس لئے آگ میں ڈال دیا تھا کہ وہ رب العالمین پر ایمان لے آئے تھے۔ اللہ تعالیٰ نے فرمایا کہ اس آسمان کی قسم جس میں شمس و قمر اور نجوم و کواکب کے منازل پائے جاتے ہیں، جن میں وہ اپنے خالق کی مقرر کردہ نہایت دقیق تنظیم و ترتیب کے مطابق چلتے رہتے ہیں اور ان سے سر موانحراف نہیں کرتے ہیں۔