سورة التكوير - آیت 20

ذِي قُوَّةٍ عِندَ ذِي الْعَرْشِ مَكِينٍ

ترجمہ تیسیر القرآن - مولانا عبدالرحمن کیلانی صاحب

جو بڑا طاقتور اور صاحب عرش کے ہاں بڑے رتبہ والاہے

تیسیر الرحمن لبیان القرآن - محمد لقمان السلفی رحمہ اللہ

(20)وہ جبریل امین جنہیں ان کے رب نے ایسی زبردست قوت عطا کی ہے کہ کوئی انسان یا جن ان کے پاس موجود وحی ان سے نہ چھین سکتا ہے اور نہ ہی اس میں کوئی نقص و اضافہ کرسکتا ہے، جیسا کہ سورۃ النجم آیت(5)میں آیا ہے : ﴿عَلَّمَهُ شَدِيدُ الْقُوَىٰ Ĭ” آپ (ﷺ) کو پوری قوت والے فرشتے نے سکھایا ہے“ اور وہ روح الامین فرشتہ عرش والے کے نزدیک بڑا اونچا مقام رکھتے ہیں۔