سورة الإنسان

فَاصْبِرْ لِحُكْمِ رَبِّكَ وَلَا تُطِعْ مِنْهُمْ آثِمًا أَوْ كَفُورًا

لہٰذا آپ اپنے پروردگار کے حکم کے مطابق صبر کیجیے اور ان میں سے کسی گنہگار [٢٨] یا ناشکرے کی بات نہ مانئے۔

(24) اور مشرکین قریش میں سے ابوجہل اورعتبہ بن ربیعہ جیسے گناہگاروں اور ولید بن مغیرہ جیسے نافرمانوں اور ناشکروں کی بات نہ مانئے، امام شوکانی نے مفسرین کا یہ قول نقل کیا ہے کہ آیت (24) میں ” آثما“ سے مراد عتبہ بن ربیعہ اور ” کفورا“ سے مراد ولید بن مغیرہ ہے ان دونوں نے نبی کریم (ﷺ) سے کہا تھا کہ تم لوگوں کو دعوت اسلام دینا بند کر دو ہم تمہیں مالا مال کردیں گے اور اپنی خوبصورت ترین عورتوں سے تمہاری شادی کردیں گے تو اللہ تعالیٰ نے ﴿إِنَّا نَحْنُ نَزَّلْنَا عَلَيْكَ الْقُرْآنَ تَنزِيلًا Ĭ اور اس کے بعد کی آیتیں نازل فرمائیں۔