سورة المدثر - آیت 8
فَإِذَا نُقِرَ فِي النَّاقُورِ
ترجمہ تیسیرالقرآن - مولانا عبد الرحمن کیلانی
پس جب صور میں پھونک ماری جائے گی
تفسیرتیسیرارحمٰن - محمد لقمان سلفی
(8)اوپر کی آیت سے اس آیت کا تعلق یہ ہے کہ اللہ تعالیٰ نے نبی کریم (ﷺ) کو مشرکین مکہ کی ایذا رسانیوں پر صبر کرنے کی نصیحت کی اور کہا کہ عنقریب وہ ہیبت ناک دن آنے والا ہے جس دن انہیں اپنے کئے کا بدلہ مل جائے گا۔ اللہ تعالیٰ نے فرمایا کہ جب صور پھونکا جائے گا تمام مخلوق قبروں سے زندہ ہو کر نکل کھڑی ہوگی اور انہیں میدان محشر کی طرف ہانکا جائے گا۔