سورة الجن - آیت 14

وَأَنَّا مِنَّا الْمُسْلِمُونَ وَمِنَّا الْقَاسِطُونَ ۖ فَمَنْ أَسْلَمَ فَأُولَٰئِكَ تَحَرَّوْا رَشَدًا

ترجمہ تیسیرالقرآن - مولانا عبد الرحمن کیلانی

اور یہ کہ : ہم میں سے کچھ تو مسلمان (فرمانبردار) ہیں اور کچھ بے انصاف لوگ ہیں اور جو فرمانبردار بن گیا تو ایسے ہی لوگوں نے بھلائی کا راستہ اختیار [١٢] کیا

تفسیرتیسیرارحمٰن - محمد لقمان سلفی

(14) جنوں نے اپنی قوم کے افراد کے بارے میں دوبارہ یہ بات کہی کہ ہم میں سے بعض مسلمان ہوگئے ہیں اور بعض اب تک جادہ اسلام سے دور ہیں انہوں نے نبی کریم (ﷺ) کی دعوت کو قبول نہیں کی ہے پس جن لوگوں نے اسلام کو قبول کر لیا ہے اور اپنی گردن اللہ کے لئے جھکا دی ہے وہ اس راہ حق پر گامزن ہوگئے ہیں جو انہیں جنت اور اس کی نعمتوں تک پہنچا دے گا۔