سورة الحاقة - آیت 41

وَمَا هُوَ بِقَوْلِ شَاعِرٍ ۚ قَلِيلًا مَّا تُؤْمِنُونَ

ترجمہ تیسیر القرآن - مولانا عبدالرحمن کیلانی صاحب

یہ کسی شاعر کا قول نہیں ہے۔ (مگر) تم کم ہی ایمان لاتے ہو

تیسیر الرحمن لبیان القرآن - محمد لقمان السلفی رحمہ اللہ

(41) یہ کسی شاعر کا کلام نہیں ہے جیسا کہ تم لوگوں میں جھوٹا پروپیگنڈہ کرتے ہو حقیقت یہ ہے کہ تم دولت ایمان سے محروم ہو اگر تم مؤمن ہوتے اور نبی کریم (ﷺ) کے اوصاف و اخلاق میں غور و فکر کرتے تو تمہارے لئے روشن آفتاب کی طرح یہ بات واضح ہوجاتی کہ وہ واقعی اللہ کے رسول ہیں اور جو قرآن لے کر وہ مبعوث ہوئے ہیں وہ کلام الٰہی ہے۔