سورة الحشر - آیت 20

لَا يَسْتَوِي أَصْحَابُ النَّارِ وَأَصْحَابُ الْجَنَّةِ ۚ أَصْحَابُ الْجَنَّةِ هُمُ الْفَائِزُونَ

ترجمہ تیسیر القرآن - مولانا عبدالرحمن کیلانی صاحب

اہل دوزخ اور اہل جنت کبھی برابر نہیں ہوسکتے۔ اہل جنت ہی (اصل میں) کامیاب ہیں

تیسیر الرحمن لبیان القرآن - محمد لقمان السلفی رحمہ اللہ

(14) اہل جہنم اور اہل جنت ہرگز ایک دوسرے کے برابر نہیں ہو سکتے ہیں۔ یہ حکم عام ہے، اس لئے اہل جہنم میں اللہ کی یاد سے غافل اور اہل جنت میں اسے یاد کنے والے اور اس سے ڈرنے والے بدرجہ اولیٰ داخل ہیں، اس لئے کہ آیتوں کا سیاق و سباق انہیں دونوں قسموں کے بارے میں ہے اور اس حکم عام کے بعد، اللہ تعالیٰ نے صراحت کردی کہ حقیقی کامیابی و کامرانی تو صرف اہل جنت کے لئے ہے کہ انہیں ہر مصیبت و تکلیف سے نجات مل جائے گی اور ہر راحت و نعمت سے سرفراز کئے جائیں گے۔