سورة الواقعة - آیت 37

عُرُبًا أَتْرَابًا

ترجمہ تیسیرالقرآن - مولانا عبد الرحمن کیلانی

جو اپنے شوہروں [٢٠] سے محبت کرنے والی اور ان کے ہم عمر [٢١] ہوں گی

تفسیرتیسیرارحمٰن - محمد لقمان سلفی

اور وہ حوری صفت بیویاں اپنے حسن و جمال، طرز گفتگو، چال ڈھال، گداز جسم اور آواز کی شیرنی کی وجہ سے ہر دم اپنے شوہروں کو ایسی شاداں و فرحاں رکھیں گی جس کی تعبیر انسانی الفاظ میں نہیں ہو سکتی، اور وہ ساری بیویاں ہم عمر ہوں گی، سدی لکھتے ہیں کہ وہ سب اخلاق کریمانہ میں ایک جیسی ہوں گی، آپ اس میں ایک دوسرے سے محبت کریں گی، اور بغض وحسد سے کو سوں دور ہوں گی۔