سورة القمر

وَلَقَدْ جَاءَ آلَ فِرْعَوْنَ النُّذُرُ

آل فرعون کے ہاں بھی ڈرانے والے آئے تھے۔

(19) اللہ تعالیٰ نے فرعون اور فرعونیوں کے پاس موسیٰ اور ہارون کو نبی بنا کر بھیجا، تاکہ وہ انہیں آسمان و زمین کے خالق الہ واحد کی بندگی کی طرف بلائیں اور اللہ نے انہیں اپنی صداقت کے اثبات کے لئے نو نشانیاں دیں، جن کا ذکر گزشتہ سورتوں کی تفسیر میں کئی بار آچکا ہے موسیٰ اور ہارون نے ایک ایک کر کے وہ تمام نشانیاں پیش کردیں