سورة القمر

تَجْرِي بِأَعْيُنِنَا جَزَاءً لِّمَن كَانَ كُفِرَ

جو ہماری آنکھوں کے سامنے چل رہی تھی [١٤]۔ یہ بدلہ اس شخص کی خاطر دیا گیا جس کا انکار [١٥] کیا گیا تھا۔

وہ کشتی طوفان میں اللہ کے حفظ و امان میں چلتی رہی اور یہ جو کچھ ہوا ناشکروں کو ان کے کفر کا بدلہ دینے کے لئے ہوا، اس لئے کہ نوح (علیہ السلام) کی بعثت ان کے لئے اللہ کی ایک عظیم نعمت تھی، جس کی انہیں قدر دانی کرنی چاہئے تھی، لیکن انہوں نے ناشکری کی تو اللہ نے نوح (علیہ السلام) اور ان پر ایمان لانے والوں کو بچا لیا اور باقی پوری قوم کو طوفان کے ذریعہ ہلاک کردیا۔