سورة الذاريات - آیت 43

وَفِي ثَمُودَ إِذْ قِيلَ لَهُمْ تَمَتَّعُوا حَتَّىٰ حِينٍ

ترجمہ تیسیر القرآن - مولانا عبدالرحمن کیلانی صاحب

اور ثمود میں (بھی ایک نشانی چھوڑی ہے) جب ان سے کہا گیا کہ ایک خاص وقت [٣٧] تک مزے اڑا لو

تیسیر الرحمن لبیان القرآن - محمد لقمان السلفی رحمہ اللہ

(17) قوم ثمود، یعنی قوم صالح (علیہ السلام) کی ہلاکت میں بھی کفار مکہ اور دیگر قوموں کے لئے بہت سی عبرت و موعظت کی باتیں ہیں، جب ان کی بھی سرکشی حد سے بڑھ گئی، صالح (علیہ السلام) کی اونٹنی کو ہلاک کردیا اور ان کے ایمان لانے کی کوئی امید باقی نہ رہی، تو اللہ تعالیٰ نے انہیں دنیا میں رہنے کے لئے تین دن کی مہلت دی، جیسا کہ سورۃ ہود آیت (65) میں آیا ہے : ” تم لوگ تین دن تک اپنے گھروں میں مزے کرلو۔“