سورة ق - آیت 35

لَهُم مَّا يَشَاءُونَ فِيهَا وَلَدَيْنَا مَزِيدٌ

ترجمہ تیسیرالقرآن - مولانا عبد الرحمن کیلانی

وہاں جو کچھ وہ چاہیں گے انہیں ملے گا اور ہمارے پاس اس سے زیادہ بھی (ان کے لئے) موجود [٤١] ہے۔

تفسیرتیسیرارحمٰن - محمد لقمان سلفی

(26) مذکورہ بالا اوصاف سے متصف متقیوں سے اس دن کہا جائے گا کہ اب تم لوگ جنت میں ہمیشہ کے لئے پورے امن و سکون کے ساتھ داخل ہوجاؤ، یہاں تمہیں نہ ماضی کا غم ہوگا اور نہ مستقبل کا خوف، بڑے چین و سکون کی زندگی ہو ی، حزن و ملال کا سایہ بھی ان کے دلوں پر نہیں پڑے گا اور جس چیز کی بھی خواہش کریں گے وہ چیز چشم زدن میں ان کے پاس ہوگی، اور ان تمام نعمتوں کے علاوہ سب سے بڑی نعمت یہ ہوگی کہ باری تعالیٰ اپنا چہرہ انور ان کے سامنے کر دے گا، جس کا وہ نظارہ کریں گے۔ امام مسلم نے صہیب رومی (رض) سے İوَلَدَيْنَا مَزِيدٌĬ کی یہی تفسیر روایت کی ہے۔