سورة الزخرف - آیت 29

بَلْ مَتَّعْتُ هَٰؤُلَاءِ وَآبَاءَهُمْ حَتَّىٰ جَاءَهُمُ الْحَقُّ وَرَسُولٌ مُّبِينٌ

ترجمہ تیسیرالقرآن - مولانا عبد الرحمن کیلانی

بلکہ میں نے انہیں اور ان کے آباء و اجداد کو زندگی سے فائدہ اٹھانے کا موقعہ دیا [٢٧] تاآنکہ ان کے پاس حق اور کھول کر بیان کرنے والا [٢٨] رسول آیا۔

تفسیرتیسیرارحمٰن - محمد لقمان سلفی

(12) ابراہیم (علیہ السلام) کی مشرک ذریت میں سے اہل قریش بھی تھے، اللہ نے ان کے کفر و شرک کے باوجود انہیں ہلاک نہیں کیا، بلکہ زندہ رہنے دیا، یہاں تک کہ اس نے اپنی برحق کتاب یعنی قرآن کریم نازل فرمایا اور نبی کریم (ﷺ) کو مبعوث کیا جنہوں نے اس کی شریعت کو ان کے لئے پوری وضاحت و صراحت کے ساتھ بیان کیا،