سورة ص - آیت 61

قَالُوا رَبَّنَا مَن قَدَّمَ لَنَا هَٰذَا فَزِدْهُ عَذَابًا ضِعْفًا فِي النَّارِ

ترجمہ تیسیرالقرآن - مولانا عبد الرحمن کیلانی

پھر وہ دعا کریں گے :''اے ہمارے پروردگار! ہمارے لئے جو اس عذاب کا پیش رو بنا اسے [٦١] دوزخ میں دگنا عذاب دے''

تفسیرتیسیرارحمٰن - محمد لقمان سلفی

پھر اللہ سے کہیں گے کہ اے ہمارے رب ! جن مجرمین نے دنیا میں ہمیں گمراہ کیا تھا اور آج ہمارے عذاب کا سبب بنے ہیں، ان کو جہنم میں دوہرا عذاب دے۔ جیسا کہ سورۃ الاحزاب آیت (68) میں آیا ہے کہ عام اہل جہنم اپنے سرداروں کے بارے میں کہیں گے : ﴿رَبَّنَا آتِهِمْ ضِعْفَيْنِ مِنَ الْعَذَابِ﴾ ” اے ہمارے رب ! انہیں دوہرا عذاب دے۔ “