سورة الروم

مِنَ الَّذِينَ فَرَّقُوا دِينَهُمْ وَكَانُوا شِيَعًا ۖ كُلُّ حِزْبٍ بِمَا لَدَيْهِمْ فَرِحُونَ

جنہوں نے اپنا دین الگ کرلیا اور گروہوں [٣٥] میں بٹ گئے۔ ہر گروہ کے پاس جو کچھ ہے وہ اسی میں مگن [٣٦] ہے۔

جنہوں نے دین فطرت (دین اسلام) کو چھوڑ کر سینکڑوں باطل ادیان و مذاہب ایجاد کر لئے، اور مختلف گروہوں میں بٹ گئے اور ہر گروہ یہ سوچ کر خوشی میں مگن رہنے لگا کہ اس کا دین سچا ہے، حالانکہ دین اسلام کے سوا کوئی بھی دین صحیح نہیں ہے، اس لئے اب جو شخص بھی راہ ہدایت پر گامزن ہونا چاہے گا، اس کے لئے اس کے سوا کوئی چارہ نہیں کہ وہ تمام دیگر ادیان و مذاہب، باطل فرقوں اور بدعتوں اور خرافات سے دامن جھاڑ کر دین اسلام کو اختیار کرلے جو اللہ کی آخری کتاب اور خاتم النبیین کی سنت کے مجموعے کا نام ہے۔