سورة الشعراء - آیت 139

فَكَذَّبُوهُ فَأَهْلَكْنَاهُمْ ۗ إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ

ترجمہ تیسیرالقرآن - مولانا عبد الرحمن کیلانی

چنانچہ انہوں نے ہود کو جھٹلا دیا تو ہم نے انھیں ہلاک کر ڈالا [٨٧]۔ اس واقعہ میں بھی ایک نشانی [٨٨] ہے لیکن ان میں سے اکثر ماننے والے نہیں۔

تفسیرتیسیرارحمٰن - محمد لقمان سلفی

37۔ اللہ تعالیٰ نے خبر دی ہے کہ قوم عاد نے ہود (علیہ السلام) کی یکسر تکذیب کردی، اور ان کی اصلاح کی کوئی امید باقی نہیں رہی تو اللہ نے انہیں ہلاک کردیا بے شک ان کی اس پوری کہانی میں مشرکین قریش کے لیے درس عبرت ہے کہ اگر وہ بھی اپنے کفر پر مصر رہے، اور نبی آخر الزماں کی تکذیب کرتے رہے تو کہیں ان کا انجام بھی قوم عاد جیسا نہ ہو۔