سورة المؤمنون - آیت 52

وَإِنَّ هَٰذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاتَّقُونِ

ترجمہ تیسیرالقرآن - مولانا عبد الرحمن کیلانی

اور یہ تمہاری امت ایک ہی [٥٦] امت ہے اور میں تمہارا پروردگار ہوں۔ لہٰذا ا مجھی سے ڈرو۔

تفسیرتیسیرارحمٰن - محمد لقمان سلفی

14۔ اللہ تعالیٰ نے تمام انبیائے کرام کو یہ بھی کہا کہ آپ سب کا دین ایک ہی ہے، وہ یہ ہے کہ لوگوں کو ایک اللہ کی عبادت کی طرف بلایئے، جیسا کہ اللہ تعالیٰ نے سورۃ آل عمران آیت 19 میں فرمایا ہے : ﴿إِنَّ الدِّينَ عِنْدَ اللَّهِ الْإِسْلَامُ﴾ بیشک اللہ کے نزدیک دین صرف اسلام ہے۔ اور تمام بنی نوع انسان کا رب بھی صرف میں ہو، اس لیے اگر انہوں نے میری وحدانیت کا انکار کر کے میرے ساتھ غیروں کو عبادت میں شریک بنایا تو پھر انہیں میرے عقاب و عذاب کا انتظار کرنا چاہیے۔