سورة الحج - آیت 71
وَيَعْبُدُونَ مِن دُونِ اللَّهِ مَا لَمْ يُنَزِّلْ بِهِ سُلْطَانًا وَمَا لَيْسَ لَهُم بِهِ عِلْمٌ ۗ وَمَا لِلظَّالِمِينَ مِن نَّصِيرٍ
ترجمہ تیسیرالقرآن - مولانا عبد الرحمن کیلانی
یہ لوگ اللہ کے علاوہ ان کی عبادت کرتے ہیں جن کے لئے نہ تو اللہ نے کوئی دلیل اتاری ہے اور نہ ہی خود [٩٩] انھیں کچھ علم ہے۔ ان ظالموں کا کوئی بھی مددگار [١٠٠] نہ ہوگا۔
تفسیرتیسیرارحمٰن - محمد لقمان سلفی
(35) دین حق کی مخالفت کرنے والے کفار و مشرکین کے بارے میں کہا جارہا ہے کہ وہ لوگ اللہ کے سوا ان بتوں اور دیویوں کی پوجا کرتے ہیں، جن کے لائق عبادت ہونے کی اللہ نے کوئی دلیل نہیں اتاری ہے، اور نہ ہی ان کے پاس اس کی کوئی عقلی دلیل ہے، عنقریب قیامت کے دن اس افترا پردازی پر ان کا حساب ہوگا اور اس کا انہیں بدلہ دیا جائے گا اور اس وقت اللہ کے مقابلے میں اپنے لیے کوئی یارومددگار نہیں پائیں گے۔