سورة طه - آیت 49

قَالَ فَمَن رَّبُّكُمَا يَا مُوسَىٰ

ترجمہ تیسیرالقرآن - مولانا عبد الرحمن کیلانی

فرعون نے جواب دیا : '' موسیٰ ! تمہارا پروردگار ہے کون؟

تفسیرتیسیرارحمٰن - محمد لقمان سلفی

(١٩) فرعون نے ان دونوں کی پوری تقریر سننے کے بعد کہا، اے موسیٰ ! تم دونوں کا رب کون ہے؟ مفسرین لکھتے ہیں کہ چونکہ وہ اللہ کا منکر اور اپنے رب ہونے کا دعوی دار تھا، اسی لیے اس نے کہا میرے سوا تم دونوں کا رب کون ہے؟ تو موسیٰ علی السلام نے کہا کہ ہمارا رب وہ ہے جس نے ہر ایک مخلوق کو اس کی مخصوص شکل و صورت میں پیدا کیا ہے، اور ہر عضو میں ایک مخصوص فائدہ رکھا ہے، پھر ہر ایک کو طلب رزق کے طریقے سکھائے اور ان کی نسلوں کی بقا کے وسائل و اسباب دے کر انہیں استعمال کرنے کا طریقہ سکھایا ہے۔