سورة الحجر - آیت 10

وَلَقَدْ أَرْسَلْنَا مِن قَبْلِكَ فِي شِيَعِ الْأَوَّلِينَ

ترجمہ تیسیرالقرآن - مولانا عبد الرحمن کیلانی

آپ سے پہلے ہم نے سابقہ قوموں میں بھی رسول بھیجے تھے

تفسیرتیسیرارحمٰن - محمد لقمان سلفی

(8) یہاں بھی نبی کریم (ﷺ) کو تسلی دی جارہی ہے کہ اگر کفار قریش آپ کی تکذیب کرتے ہیں اور آپ کا مذاق اڑاتے ہیں تو اس سے آپ کو دل برداشتہ نہیں ہونا چاہیے، یہ تو ہمیشہ سے قوموں کا شیوہ رہا ہے کہ جب بھی کوئی رسول کسی قوم کے پاس آیا تو انہوں نے اس کا مذاق اڑایا۔