سورة الاعراف

وَمِن قَوْمِ مُوسَىٰ أُمَّةٌ يَهْدُونَ بِالْحَقِّ وَبِهِ يَعْدِلُونَ

اور موسیٰ کی قوم میں ایک گروہ [١٦١] ایسا بھی ہے جو حق کے مطابق ہدایت کرتے اور اسی کے مطابق انصاف کرتے ہیں

(94) سلسلئہ کلام انہی بنی اسرائیل سے متعلق ہے جو موسیٰ (علیہ السلام) کے زمانے میں تھے، جب سامری اور اس کے پیروکاروں کا ذکر آیا تو شبہ ہوسکتا ہے کہ ان میں کوئی بھی مؤمن اور اچھا آدمی نہیں تھا، اسی لیے اللہ تعالیٰ نے فرمایا کہ ان میں ایسے لوگ بھی تھے جو خود حق پر قائم تھے اور دوسروں کو بھی اس کی طرف بلاتے تھے، اور لوگوں کے درمیان عدل وانصاف کے ساتھ فیصلے کرتے تھے۔