سورة الانعام - آیت 4

وَمَا تَأْتِيهِم مِّنْ آيَةٍ مِّنْ آيَاتِ رَبِّهِمْ إِلَّا كَانُوا عَنْهَا مُعْرِضِينَ

ترجمہ تیسیرالقرآن - مولانا عبد الرحمن کیلانی

اور جب بھی ان کے پاس ان کے پروردگار کی طرف سے کوئی نشانی [٤] آئی تو وہ اس سے اعراض ہی کرتے رہے

تفسیر تیسیر القرآن - مولانا عبدالرحمٰن کیلانی

[٤] یہاں آیت سے مراد قرآن کی کوئی آیت بھی ہو سکتی ہے کوئی معجزہ اور کوئی واضح دلیل بھی۔ یعنی جو کافر انکار کرنے کا ہی تہیہ کیے بیٹھے ہیں ان کے لیے نہ کوئی دلیل کارگر ہو سکتی ہے، نہ معجزہ اور نہ پند و نصیحت۔