سورة التكوير

وَإِذَا النُّجُومُ انكَدَرَتْ

اور ستارے بے نور [٣] ہوجائیں گے

[٣] اِنْکَدَرَ: کدر بمعنی گدلاپن (ضد صفاء ) اور انکدر کا معنی کسی چیز کا خود گدلا ہونا۔ رنگ میلا اور ہلکا پڑجانا یا ماند پڑجانا، یعنی ستاروں اور چاند کو جو روشنی حاصل ہے وہ انعکاس نور کے نتیجہ میں سورج یا ایسے کسی دوسرے ستارے سے حاصل ہوتی ہے۔ پھر جب ان ستاروں کا باہمی ربط ختم ہوجائے گا تو ان میں چمک اور آب و تاب بھی نہ رہے گی۔