سورة الإنسان

وَجَزَاهُم بِمَا صَبَرُوا جَنَّةً وَحَرِيرًا

اور ان کے صبر کے بدلے انہیں جنت اور ریشمی لباس عطا [١٥] کرے گا۔

[١٥] دنیا میں ان لوگوں نے اللہ کی رضا کی خاطر بے شمار پابندیاں برداشت کی تھیں۔ اسلام کی راہ میں آنے والی مشکلات کو بھی خندہ پیشانی سے برداشت کرتے رہے تھے۔ اس مستقل صبر کے عوض آج انہیں جنت بھی عطا کی جائے گی اور فاخرانہ ریشمی لباس بھی پہنائے جائیں گے اور وہ جنت میں پورے شاہانہ ٹھاٹھ کے ساتھ تکیہ لگائے بیٹھا کریں گے۔