سورة المزمل

يَا أَيُّهَا الْمُزَّمِّلُ

(اے محمد (صلی اللہ علیہ وآلہ وسلم) !) جو کپڑا اوڑھے [٢] ہوئے (سونے لگے) ہو

[٢] انداز خطاب سے معلوم ہوتا ہے کہ یہ آیات اس وقت نازل ہوئی تھیں۔ جب آپ صلی اللہ علیہ وآلہ وسلم رات کو سونے کے لیے بستر پر چادر اوڑھ کر لیٹ چکے تھے۔ اور اس لطیف انداز خطاب میں آپ صلی اللہ علیہ وآلہ وسلم کو یہ ہدایت دی جارہی ہے کہ اب پاؤں پھیلا کر اور بے فکر ہو کر سونے کے دن بیت چکے، اب آپ صلی اللہ علیہ وآلہ وسلم کی ذمہ داریاں کچھ اور قسم کی ہیں۔