سورة البقرة

قَالُوا ادْعُ لَنَا رَبَّكَ يُبَيِّن لَّنَا مَا هِيَ ۚ قَالَ إِنَّهُ يَقُولُ إِنَّهَا بَقَرَةٌ لَّا فَارِضٌ وَلَا بِكْرٌ عَوَانٌ بَيْنَ ذَٰلِكَ ۖ فَافْعَلُوا مَا تُؤْمَرُونَ

وہ کہنے لگے :’’موسی ! اپنے پروردگار سے درخواست کیجئے کہ وہ ہم پر یہ واضح کر دے کہ وہ گائے کیسی ہونی چاہیے؟‘‘ موسیٰ نے انہیں جواب دیا کہ ’’اللہ تعالیٰ فرماتا ہے کہ وہ گائے ایسی ہونی چاہیے جو نہ تو بوڑھی ہو اور نہ بچھیا، بلکہ درمیانی عمر کی جوان ہو۔ لہٰذا تمہیں جو حکم دیا جا رہا ہے اس پر عمل کرو۔ ‘‘

اللہ تعالیٰ نے نبی کے ذریعے صرف گائے ذبح کرنے کا حکم دیا تھا۔ انھوں نے واضح نشانیاں دریافت کرنا شروع کردیں اور جوں جوں وہ سوال کرتے گئے پابندیاں بڑھتی گئیں۔ زیادہ سوالات سے بے حسی بڑھتی ہے اور یہ بے حسی اللہ کی یاد سے غافل ہونے کا سبب بنتی ہے۔