سورة المآئدہ

وَلَوْ كَانُوا يُؤْمِنُونَ بِاللَّهِ وَالنَّبِيِّ وَمَا أُنزِلَ إِلَيْهِ مَا اتَّخَذُوهُمْ أَوْلِيَاءَ وَلَٰكِنَّ كَثِيرًا مِّنْهُمْ فَاسِقُونَ

اگر وہ اللہ پر، نبی پر اور جو کچھ اس کی طرف نازل کیا گیا ہے اس پر ایمان لاتے تو کافروں کو دوست [١٢٧] نہ بناتے لیکن ان میں سے اکثر تو ہیں ہی نافرمان

اس کا مطلب ہے کہ جس شخص کے اندر صحیح ایمان ہوگا وہ کافروں سے کبھی دوستی نہیں کرے گا۔ چاہیے تو یہ تھا کہ کسی اہل کتاب سے ہی دوستی لگاتے، تاکہ کسی نہ کسی حد تک ان کے عقائد میں ہم آہنگی ہوتی جو ان کی دوستی کی بنیاد بن سکتی۔ لیکن وہ اسلام دشمنی میں اتنے اندھے ہوگئے ہیں کہ مسلمانوں کے مقابلہ میں مشرکین کو دوستی کے لیے چنتے ہیں اور زبان سے بھی مشرکوں کو کہتے ہیں کہ دین کے لحاظ سے تم مسلمانوں سے اچھے ہو۔