سورة النسآء - آیت 156
وَبِكُفْرِهِمْ وَقَوْلِهِمْ عَلَىٰ مَرْيَمَ بُهْتَانًا عَظِيمًا
ترجمہ تیسیر القرآن - مولانا عبدالرحمن کیلانی صاحب
نیز اس لیے (اللہ نے ان کے دلوں پر مہر لگا دی) کہ انہوں نے حق بات کا انکار کیا اور مریم پر بہت بڑا بہتان لگا دیا
تسہیل البیان فی تفسیر القرآن - ام عمران شکیلہ بنت میاں فضل حسین
یہود کے دلوں پر اللہ نے جو بدبختی کی مہر لگائی تھی تو اس کی وجہ یہ بھی تھی کہ انھوں نے حضرت مریم علیہ السلام پر بدکاری کی تہمت لگائی تھی کہ انھوں نے نعوذ باللہ یوسف نجار کے ساتھ زنا کیا تھا جس کے نتیجے میں حضرت عیسیٰ پیدا ہوئے بے شک یہ ان کا سراسر بہتان تھا۔