سورة النسآء - آیت 134

مَّن كَانَ يُرِيدُ ثَوَابَ الدُّنْيَا فَعِندَ اللَّهِ ثَوَابُ الدُّنْيَا وَالْآخِرَةِ ۚ وَكَانَ اللَّهُ سَمِيعًا بَصِيرًا

ترجمہ تیسیر القرآن - مولانا عبدالرحمن کیلانی صاحب

جو شخص دنیا کے بدلہ کا ارادہ رکھتا ہے تو اللہ کے ہاں تو دنیا کا بدلہ بھی ہے اور آخرت کا بھی۔[١٧٧] اور اللہ سب کچھ سننے والا دیکھنے والا ہے

تسہیل البیان فی تفسیر القرآن - ام عمران شکیلہ بنت میاں فضل حسین

جو دنیا کا بدلہ چاہے مثلاً اگر کوئی شخص صرف مال غنیمت حاصل کرنے کے لیے جہاد میں شرکت کرتا ہے تو یہ کتنی بڑی نادانی ہے۔ جبکہ اللہ تعالیٰ دنیا و آخرت دونوں کا ثواب عطا کرنے پر قادر ہے۔ دنیا کا بدلہ تو محدود ہے اور آخرت ہمیشہ کا بدلہ ہے ۔ اس لیے انسان کو اپنے شعور سے ابدی فائدے کا سوچنا چاہیے۔