سورة البلد - آیت 17

ثُمَّ كَانَ مِنَ الَّذِينَ آمَنُوا وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ

ترجمہ تیسیرالقرآن - مولانا عبد الرحمن کیلانی

پھر (اس کے ساتھ یہ کہ) وہ ان لوگوں سے ہوا جو ایمان لائے اور ایک دوسرے کو صبر کرنے کی اور ایک دوسرے پر رحم کرنے کی وصیت [١٢] کی۔

تسہیل البیان فی تفسیر القرآن - ام عمران شکیلہ بنت میاں فضل حسین

اصحاب الیمین كی خصوصیات: (۱) ایمان دار ہو، اعمال صالح كرنے والا ہو۔ (۲) روز آخرت پر ایمان بھی ركھتا ہو اور ایمانداروں كا ساتھ بھی دیتا ہو۔ (۳)رحم و كرم كرنے كی آپس میں ایك دوسرے كو وصیت كرنے والا ہو۔ ارشاد نبوی ہے کہ رحم كرنے والوں پر رحمان بھی رحم كرتا ہے۔ تم زمین والوں پر رحم كرو۔ آسمان والا تم پر رحم كرے گا۔ (ابو داؤد: ۴۹۴۱)