سورة التكوير

إِذَا الشَّمْسُ كُوِّرَتْ

جب سورج لپیٹ [٢] لیا جائے گا

اس سورت میں نفخۂ اولیٰ کے وقت کے چھ احوال بیان کیے ہیں اور بطور خاص قیامت کی منظر کشی کی گئی ہے۔ یعنی جس طرح عمامہ سر پر لپیٹا جاتا ہے اسی طرح سورج كے وجود كو لپیٹ كر پھینك دیا جائے گا جس سے اس كی روشنی از خود ختم ہو جائے گی۔ اسی لیے رسول اللہ صلی اللہ علیہ وسلم نے فرمایا: ’’جس كو یہ بات پسند ہے كہ وہ قیامت كو آنكھوں سے دیكھے تو اسے چاہیے كہ سورہ التكویر، الانفطار اور الانشقاق پڑھ لے۔‘‘ (ترمذی، ابواب التغیر، احمد: ۲/ ۲۸) اور ایک حدیث میں آتا ہے کہ قیامت والے دن چاند اور سورج لپیٹ دیے جائیں گے۔ (صحیح البخاری)