سورة النسآء - آیت 87

اللَّهُ لَا إِلَٰهَ إِلَّا هُوَ ۚ لَيَجْمَعَنَّكُمْ إِلَىٰ يَوْمِ الْقِيَامَةِ لَا رَيْبَ فِيهِ ۗ وَمَنْ أَصْدَقُ مِنَ اللَّهِ حَدِيثًا

ترجمہ تیسیر القرآن - مولانا عبدالرحمن کیلانی صاحب

اللہ کے سوا کوئی الٰہ نہیں وہ یقیناً تمہیں قیامت کے دن اکٹھا کرے گا جس کے آنے میں کوئی شبہ نہیں اور اللہ سے زیادہ سچی [١٢٠] بات اور کس کی ہوسکتی ہے؟

تسہیل البیان فی تفسیر القرآن - ام عمران شکیلہ بنت میاں فضل حسین

وہ سچی بات یہ ہے کہ قیامت یقینا آکے رہے گی اس دن سب لوگ منافقین، مشرکین اور مسلمان سب کے سب اللہ کے حضور اکٹھے کرکے لائے جائیں گے، اور ان سب کا پورا پورا محاسبہ کیا جائے گا، نیز سچی بات یہ ہے کہ اسلام دشمن عناصر جتنی بھی کوشش کرسکتے ہیں کرلیں وہ اسلام کا کچھ بگاڑ سکتے ہیں نہ اللہ کے قانون کو بدل سکتے ہیں۔